Variación lingüística, dialectoloxía e gramática histórica: algúns problemas do cambio lingüístico en galego e portugués

A partir dalgúns problemas do cambio lingüístico en galego e portrugués, discútense as limitacións da lingüística histórica e da dialectoloxía tradicionais, tanto debidas á escaseza e parcialidade da información que manexan coma pola propia concepción da lingua. Móstrase que a idea das linguas como obxectos externos ás persoas que as falan e como sistemas netamente separados non permite explicar os cambios lingüísticos nin tampouco as variacións que se encontran entre falantes, nin tampouco os métodos clásicos da dialectoxía, baseados en falantes representativos. Deféndese que a perspectiva micro, baseada na produción das persoas falantes en interacción, si posibilita unha mellor comprensión da variación e do cambio lingüístico. Estas cuestións ilústranse con algúns aspectos de traballos do autor sobre nasalización, sobre sibilantes e sobre as vogais pretónicas iniciais en galego e en portugués.