SÁNCHEZ REI, Xosé Manuel: “Os nomes de lugar e a dialectoloxía: algunhas consideracións sobre as variantes locais do galego e a súa atestación nos topónimos”: Verba, 40, 2014, pp. 389 - 414

Silvia Busto Caamaño Ano lectivo: 2016/17 Sánchez Rei, Xosé Manuel: “Os nomes de lugar e a dialectoloxía: algunhas consideracións sobre as variantes locais do galego e a súa atestación nos topónimos”: Verba, 40, 2014, pp. 389 - 414 No presente artigo, Sánchez Rei ten por obxectivo focalizar nas relacións entre algúns fenómenos de variación lingüística locais e os topónimos. Para iso, comeza advertindo que o estudo da orixe dos nomes propios está bastante relacionado coa lingüística histórica e coa análise da variación xeolingüística. Deseguido, o autor sinala que a toponomástica non foi sempre considerada unha materia de carácter lingüístico, nomeadamente, por mor da interdisciplinariedade que a caracteriza. Sánchez Rei esclarece que os topónimos favorecen unha análise principalmente sincrónica, feito polo cal se preferiu tratar relacións entre cuestións dialectolóxicas e onomásticas. Para exemplificar este feito, o autor bota man do caso da combinación das variedades italianas setentrionais, exemplo que se ten empregado como obxecto de análise. Alén diso, afírmase que o feito de estabelecer unha relación entre a reflexión dialectal e a toponimia no ámbito galego é un acerto, o cal foi estudado xa por García de Diego (1984: 155), quen após tratar as variantes locais para os casos das variantes de chan/chao (