Estándar oral e variacion social da lingua galega (1999)

Neste traballo faise unha revisión das manifestacións da ideoloxía do estándar que presidiu a conformación dun estándar para a lingua galega e das actitudes expresadas respecto das variedades da lingua falada e dalgúns dos seus trazos máis salientes, como a gheada. A seguir delimítanse tres grandes variedades no galego oral actual: galego popular, galego urbano, e o aquí chamado "novo galego urbano", que incorpora características fonéticas e gramaticais do español. Debido ao máis alto prestixio desta ultima variedade, avalíanse algunhas consecuencias para a conformación do estándar oral.