Cultura popular e imaxinario social en Galicia

Até hoxe o interese da maioría dos historiadores da cultura en Galicia centrouse no estudio dos elementos que deron vida á particular imaxe do mundo das minorías e elites sociais que se expresaban por escrito. Por iso, en moitas ocasións, esta adoita ser presentada como a única realidade cultural do noso pasado. Poucos prestaron atención pois ao coñecemento das claves culturais das clases populares e o campesiñado, en boa medida, porque moitas delas foron de natureza oral e non deixaron tras si unha pegada documental apreciable. Isto non significa, porén, que a imaxe do mundo desas clases non existise ou non tivese unha presenza e forza real no devir histórico de Galicia. Este libro faise eco dunha investigación que tratou recupera-lo protagonismo que correspondería á acción cultural do campesiñado e das clases populares urbanas na sociedade galega entre 1480 y 1900